AHDATH.INFO
تفاعلا مع قرار الاعتزال المفاجئ، الذي أعلنت عنه الفنانة اللبنانية "إليسا"، كتبت هيفاء وهبي تغريدة تبدي فيها استياءها العميق من الأسباب التي دفعت زميلتها لإعلان الانسحاب من الساحة الفنية، موضحة أنها أخبرتها بكلام "بيوجع القلب".
وأضافت هيفاء، "قديه صعب لما سألتها ليه يا اليسا؟ جاوبتني: لأني قرفت!!"، وكتبت أيضا " يا عيب الشوم على كل شخص أذاها ان كان بشغل ولا برأي ولا بشتيمة ولا بحرب نجسة. بتلبس 100 فستان حلوين واذا خانها مرة الذوق او الحظ بفستان بتهجموا متل الدياب عليها".
وتعليقا على الانتقادات والسخرية القاسية، التي تتلقاها زميلتها في العديد من المناسبات، كتبت هيفاء، "اذا شي مرة مش سامعة حالها منيح عالمسرح صار هالصوت الحساس نشاز! اذا الاغنية مش أحلى من اللي قبلها بتنكروا كل روائعها الي حبوها كل العالم، اذا اعتذرت تتصور مع حدا بتنسوا المليون صورة اللي قبل".
و أضافت "كل هيدا وما حدا بيكون عارف الفنان شو عمبيعاني بحياته او بشغله او بصحته، وآخر شي قال أنا بسألها ليه؟ ههه. أصلاً هيدا حال كتير من المشاهير اللي عمبيعانوا من ناس بلا ضمير ان كان من الشركات او صراصير السوشل ميديا".
وختمت هيفا وهبي رسالتها "اليسا هترجع كرمال محبينها، ومني انا بقللها ما تقدمي على طبق من دهب الي البعض بيتمناه. بلا مافيا بلا بطيخ".